نقاش دراما nagase tomoya "karei naru spy "

[منولة]

	بسم الله الرحمن الرحيم السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين شفت الحلقة الثانية .. راو طبعا ,, تأخروا ,, الحلقة انعرضت السبت واليوم الصبح نزلوها طبعا انا كل شوي تحديث للصفحة لعل وعسى تنزل الترجمة الانجليزية ,, بس شكله مافي أمل المهم الحلقة الثانية فهمت منها كم شغلة ,, والله العظيم مت من الضحك صوتي وصل لآخر الشارع وانا اضحك .. مو طبيعية الحلقة صج صياح من قلب على المشاهد .. وطبعا كان فيها مشاهد مؤثرة :( الي يموت من الضحك حركات تومويا لما اكتشف ان المجرم شاذ .. وحط عينه عليه والنكتة ان على اساس البطلة تبيه يرقص معاها .. عطاها سكيب وحط عينه على تومويا .. المسكينة انهااارت بس حركات تومويا تموووت من الضحك .. ولا يوم الخبلة الي ساكن عندهم تطقه على راسه يا انها مصرقعة .. على طول حبته طبعا القصة ان في وحدة لعبت بسوق الاسهم .. وخلته ينزل بالحضيض .. ليش معتبرينها ارهابية مادري وتتعاون ويا واحد لقبه M. dollar وطبعا هالدولار مدزوز من قبل المجرم الرئيسي الي شفناه بالحلقة الاولى المهم هالانسانة هذي شكلها تخلت عن عيلتها الي هم زوجها وولدها وراحت .. طبعا ناقاسي ويا البطلة (للحين ما اعرف اسمها) راحوا لبيتهم عشان يكلمون زوجها على اساس انهم محامين >> اتوقع جذي وشافوا الولد الصغير >> على قولة اليابانيين الولد كااااااواااااااااااي يهبببل وتتوالى الاحداث ,, يوم يجي الولد وابوه يتعشون بالمحل الي ساكن فيه ناقاسي .. يسمعه يكلم ابوه عن امه وواضح عليه انه تأثر .. وانا تأثرت معاه ومن المشاهد المؤثرة لما يتذكر امه وهو صغير ويبجي عليها .. اتوقع ظني بمحله يوم قلت انها راحت وتركته حسبي الله عليه تخلي ولد بهالعمر .. وهذي صورته وهو يتذكر امه والله قطع قلبي ... عاد بعدين على آخر الحلقة تجيه الخبلة الصحفية ويكلمها ما ادري عاد جابو طاري الكاري انه يبي ياكل كاري ,, اتوقع لما كان يتذكر وهو صغير الجدر (القدر ) الي كان فيه الاكل كان كاري انا اتوقع ان الريتنق بيرتفع لأن الحلقة هذي تموووت ضحك واحلى من الحلقة الي طافت مليون مرة والله يصبرنا وتنزل ترجمة الحلقات .. لأن فعلا وصل السيل الزبا الحلقة الجاية شكله راح يحاول يدخل ضمن مسابقة حق التمثيل .. ليش ما ادري بس هذا الي فهمته تااابعووونا وشاركونا بآرااائكم