صباح الخيرات ي حلوين ادري اني مغبره ع و من زمان ما كتبت في مدونتي كل ما قلت خلاص باصير كل يوم اكتب فيها وادخل المنتدى احس كل مالي ابتعد عنها وعن المنتدى كلام ليل يمحوه النهار المشكلة مافيه سبب مجرد اني انشغلت باشياء ثانية وماصرت ادخل زي أول يعني فيه أولويات ع أن المنتدى هذا غالي علي جدا ومهما ابتعدت عنه مصيري أرجع له فيه اعضاء ودي اعرف أخبارهم من زمان عنهم وحتى لاحظت آخر دخول لهم لهم فتره مادخلوا >يعني مو بس انا احس عندي كلام كثير ومدري كيف ابدا وأعبر عنه ماني لاقيه عبارات وجمل يمكن تحسون ان كلامي غريب شوي و مو مفهموم بس ماعليه يوم الخميس كان زواج بنت عمي بالدمام في فندق بالخبر ع ان الجو في الدمام كان ادفى من الرياض بس مرضت زكمت وتعب وغير الفندق كان باااااااااارد جدا انا تجمدت>هالفيس يذكرني بجيورين اقول لهم طفوا المكيف قالوا خلينا ع اقل درجة ما ينطفي نهائي المهم ان الزواج عدى ع خير والله يوفقها ويسعدها يارب بنت عمي تستاهل كل خير ورجعنا الرياض سالمين الحمدلله الحين باخذ لي جولة ع المنتدى وبإذن الله مااقطع زي كل مره أشوفكم على خير وانتبهوا لأنفسكم
ولاتنسوا الوتر قبل النوم وقراءه سورة الملك ربي يحفظكم