في الصين مع اراشي .
ملاحظه : ترا ما اسامح اللي تقرى ولا ترد ((ترى ما نحللها )) << براا
طال عمركم هذي قصه الفناها انا وشينو وهي طال عمركم اننا بثاني ثانوي ناجحين لثالث ثانوي شينو ساكنه بالصين وانا رورو رحت ابدرس عندها ونكمل انا ويها ثالث ثانوي والكليه هناك
في السعوديه :<< الكل يعرف السعوديه
رورو: ماااااماااااا يومهههه الوااااالده الوووو
ام رورو : نعم نعم اعوذ بالله من صوتك ولا صوت بقرة
رورو: يمه لا تحطمينن (#7#)
ام رورو : طيب طيب وش تبين الله يخلف علي
رورو: وين بلوزتي اللي عليه صورة قيتار
ام رورو :قيتار يكسر راسك شوفيه بأخر الدولاب.
رورو : شكرا .. واخيرا بروح لم الصين وهـ وهـ
...............................
اللحين حنا بالجهه الثانيه في الصين بالتحديد في بكين
شينو: يماااااااه جهزتي فراش رورو
الوالده : لا احتريت تقولين لي جهزيه ايه جهزته من صباح الله خير
شينو:الله يدخلتس الجنه قولي امين.
الوالدة : امين بس شوفي ترى اذا شفت درجاتتس انتي و رورو زفت والله اني لا خليكن تدرسن بالصومال
شينو: لا تكفين الا الصومال ما ابيه من زين الدراسه هناك
الوالده :اجل شدي حيلتس واطلعي من العشر الأوائل
شينو: العشر الاوائل بالصين وثالث ثانوي اذا طلعت قبل الاخيرة زين
الوالده :قلتي شي
شينو : ابدا سلامتتس يا بعدي .
...............................
في مطار الملك خالد الدولي اللي ما ادري وين موقعه بس اهم شي انه مطار ودولي بعد:
رورو: يالله مع السلامه سلمو لي على جدي وجدتي وجدي الثاني وجدتي الثانيه ولا عماني وعماتي وبنات عماتي وعيال عماتي وخالاتي وخوالي وبنات خلاتي وعيال خلاتي.
اخوي : ابد يوصلهم السلام بس انتبهي لنفسك ترى يالله يالله طعت تروحين لم الصين واذا رجعتي وانتي بشهاده زفت ترى الخيزرانه جاهزة
رورو: اقول وراه ما تتلايط انت وخشتك اللي كأنها خشت بعير
ابوي : المهم اخوتس على حق حنا ما طعنا نسفرت الا نبي شهادتن زينه .
رورو: انشالله اجيبلك النسبه اللي انت تبي بس خلون اركب الطيارة الله يدخلكم الجنه
اخوي : اقول بتطولين هناك ؟
رورو : لا بلأكثر خمس سنين .
الوالده : وانتي على بالك خمس سنين شويه .. ما اقول الا الله ياسعدك يا بنيتي<<ليه بتتزوج. .. خوذي هذا المضاد عشان ااذا حسيت بشي في راسك وانتي في الطياره كولي منه .. وهذي شريحه ثانيه لجوالتس عشان اذا احترقت هذي تستعملين هذي .. وهذا طربوش اخاف يصير هناك برد .
رورو: يمه تراي كبيرة وعاقله انا تدرين اني ناجحه لثالث ثانوي وافهم بالسوالف هذولي لا تخافين علي وانا بنت ابوي
يالله بااااااااااااااااي ..
................................
نرجع لم الصين بالتحديد بكين بالتحديد المطار حقهم :
شينو : رووووووووووورووووووو هنا انا هنا لا يمين شوي ايه ايه تشوفينن ( تكلمها بالجوال عشان توصف المكان اللي هي موجوده فيه.
رورو: شينوا يا قلبي اشتقت لك ولسواليفك وضحكت وهبالتس وكل شي ..
شينو: حتى انا اشتقت لك يالمفهيه .. يا مهبوله يا كل شيء غبي بهالدنيا ..
رورو: اللحين انتي تمدحين ولا تسبين ؟؟
شينو: مادري اختاري اللي تبين ..
رورو: خلاص ابيهن كلهن المهم وين خالتي ما اشوفها <<خالتي تقصد بها ام شينو .
شينو : هذها هناك بس ما تقدر تجي لم الزحمه تنكتم .
رورو: سمالله عليه خلينا نروح لمها قبل لا انكتم انا .. ماشالله زحمه عندكم
شينو: ايه على بالك انتي في السعوديه ..لا ياماما انسي هذي الصين اللي كل دقيقه ينولد واحد .
رورو: وشو كل شوي ينولد واحد يعني ما فيه امل اخذ تقدير امتياز في الثانوي << لا ياماما انسي .
شينو : ولا بعد تفكرين انك بتاخذين امتياز هذا اذا ما طلعتي الاخيرة زين .
رورو :وشلون وعدت ابوي اني بجيب النسبه اللي هو يبي .
شينو : محد قالتس ورطي نفسك
رورو : وخري ابرجع لم السعوديه
شينو : اقول تلايطي وانثبري مكانتس لا الحين اوريتس الشغل
رورو : خلاص لا تنفخين علي شغالة ابوكم انا
.................................................. ..................
في اليابان بالتحديد في طوكيو :
جون : السلام عليكم
شو : هلا والله بأبو الشباب وش اخبارك جون ؟
جون : لا تمام التمام الابس حبيت اسئل متى نروح لم الصين ؟
ايبا : اليوم ليه ؟
جون : يعني اججهز اغراضي ؟
ايبا : الا جهزها من اللحين يالله يمديك بعد
نينو: اييييييه يالدنيا من زمان ما رحت لم الصين << صار عجوز
جون : مهايطي اصلا ما ابطينا رايحين لمه .
ويدخل اونو فجأة: اقول شباب الصين مهيب جايزتن لي
شو: افااااا .. نانديه ؟!
اوونو: مادري تخليني بعديد عن امي وهي ما فيها بحر الا بالمنطقه الجنوبيه يعني ما اقدر اصيد
نينو : يا هالماما هذي اللي جلست اشوفه بأحلامي .
اونو : حدك عاد لا تتكلم عن امي قدامي لو سمحت
ايبا : اقول ليه ما تسكرون الموضوع ونفكر ايش نسوي في الشهر هذا اللي بنجلس فيه بالصين لاننا بنروح قبل الكونسيرت بشهر .خلونا نفكر ايش نسوي بالوقت الفاضي هذا .
اونو : نروح لم البحر ونصيد .
جون يضرب اونو على راسه : وراه ما تروح لحالك لم البحر .
شو : خلونا نروح لم المول.
نينو: لا يا اخي كا فيني ثياب مليان انا ..
ايبا : وش رايكم نروح لم حديقة الحيوان .
جون : احلف
ايبا: والله
جون : حبك ماجد وعبدالله
ايبا: عطاك ريال قال يالله
شو : خلاص بلا العاب بزران هالحزة .
نينو : اللي يقول انك ما عمرك تميلحت عاد
اونوو : اشوى اني ما عمري تميلاحت عشاني اكبركم
جون : اقول اسكت بس لا انفجر ضحك .. خلوني اروح ازين اغراضي احسن لي .
اونو: اقول خليني ابعد عنكم وسبكم وخلوني اروح لم البحر اصيد
ايبا : وانا بروح لم حديقة الحيوان . لان القرد اللي عندي جايته فلوانزا الخنازير ابروح اشخص عليه << بيطري وانا ما ادري؟
شو : بروح لم المول ابي شويت اغراض.
نينو: ابرروح اشوف برنامج السحر يبي يبدا بعد شوي
ترى البارت هذا شوي بالمره .. اما البارتات اللي بعدها بالمره طويله
بس هذا مسوينه سبيشل يعني << ترقيع
يالله انتظرونا بالبارت الثاني